關於部落格
I Can Spread My Wings Out Wide, Touch the Sky
  • 19126

    累積人氣

  • 3

    今日人氣

    1

    追蹤人氣

2012-8-23 (四) 第十二堂課

原本想去太子嗰間元氣食壽司,再行一陣就去太子警署上堂。真係人算不如豬算,成個太子同旺角都係人!諗住去朗豪坊食飯,多人到恐怖!完全唔知點算好。本來排去食味精拉麵,入到去落柯打個侍應先話上菜要等15-20分鐘。他媽的!嗰陣已經1950,我仲有幾多時間剩?結果急急腳走咗去食MOS BURGER個蝦堡算數。食完即刻仆返去太子警署準備。

 

其實師傅有俾我揀,可以1915上堂。不過,經過月初路線視察見到7點幾d學車多到恐怖,由孝民街街口塞番去山頂、10分鐘都走唔到,所以先至決定每次操路線都係2045──起碼縮短咗係試場排隊練泊位調頭嘅時間。 時間寶貴,梗係要好好善用時間操練啦!

 

點解咁多學車都鐘意上去忠義街試場呢?原因好簡單,就係排隊去試場練同考試實際要做泊位調頭係同一個地點,亦可以試泊考試位!

 

 

頭半堂主力由師傅負責一路揸一路講解。

 

上到去忠義街試場,一開波就行細圈,即係迦密村街線。
d」,「爬嗰陣唔好扭太出」但又唔可以接近體,「騎住白線出去已經ok」。因為我每次爬車嗰陣,都驚死望鏡擰頭打燈扭軚做唔切,一次過同時做,結果就係一擰頭隻手就不經意扭咗軚,令到架車飄向擰頭嗰一邊,所以被師傅告誡要先完成望鏡擰頭,回頭之後先再扭軚。



眾所周知呢條街威力有幾大,而且學車永遠唔可以入去練習,所以師傅一路揸一路以光速說明要留意嘅地方。首先,就係要小心死車、對頭車、對頭死車,咁就要用「避車三大法」去處理。爬死車之前要「望遠

 

做完細圈就行大圈,即係佛光街線。呢條線雖然長,但望落去難度相對低d,殺傷力無咁大,要注意係斜路開車同上落斜路段比較多,同埋地鐵地盤可能不時會有工程車出出入入,要留意有無人企係度整個「停」「去」牌係度指揮來往交通,隨時要作好停車、爬車。


 

師傅千叮萬囑,叫我要小心d,要多望中鏡同右鏡,小心後面有車隨時爬出嚟,仲有,如果見有車爬頭就放油門整慢架車,俾後車先過唔好心急cut出去。

 

 

講解完之後就開始操路線。

 

每到一個point,師傅就會出聲提點我幾時要轉波拖波、小心行人同斑馬線、出路口停車嘅角度同可唔可以踩讓線隻角同原因、左望望右望望睇車見有機會就出、轉後靠左小心d車係對面線壓過嚟、入線唔好踩到白線、轉彎要入自己條行車線、係袋位同斜路開車停車唔好溜後等等。

 

真係好在忠義街只係有兩條考試路線,而且路線都唔算長,我諗應該可以操多幾次就記熟條線點樣行。

 

而家主力去操大圈。第一次行大圈,即使睇咗成百次YouTube片,大概都知點樣行,但係要做到師傅提示嘅嘢都仲需要d時間。第一次行試場路線,都幾開心,而且去到佛光街度,天氣算唔錯,可以睇到港島區嘅夜景,算係bonus啦!

 

玩完之後,轉番落何文田經過公開大學,再經過培正道按指示轉入大路返旺角。行呢條新路返旺角,有新鮮感之餘,係燈位左轉出大路嗰陣,後面d車俾燈位截住,cut出去嗰時好似無係九龍塘走轉出嚟咁難喎。

 

相簿設定
標籤設定
相簿狀態