飛向天際

關於部落格
I Can Spread My Wings Out Wide, Touch the Sky
  • 16435

    累積人氣

  • 0

    今日人氣

    0

    訂閱人氣

2012-9-10 (一)第十九堂課


一朝早精神已經緊張,開車出發暫時都唔見有好大問題,於是師傅就叫我上澤安練習一下。係上到澤安邨附近,見到有架貨VAN撞咗埋支交通燈度,成支交通燈仲彎到掂地。哈,只係我無咁多時候係度八卦,要馬上開始戰前熱身工作。

 

咦,唔係轉入澤安考試中心度咩?原來師傅今次想我直行,落去白田一帶練習上落斜路段、斜路開停車先。呢條路線好新鮮,師傅話正因為呢度同忠義街一樣有上有落,所以先特別要我嚟呢度操。

 

嘿嘿,明明考忠義街,結果上堂有得操熟埋天光道靠背壟線同澤安兩線,真係太幸福啦!

 

操咗一輪澤安線,再上斜預備入澤安考試中心之前段斜路,師傅就同我特訓斜路開車同吊極力子。

 

佢要求我只用極力子定住架車,跟住就要我只用極力子令架車向上斜行小段路,再定住。開頭都有d唔係好得,但多數都係因為鬆得太多極力子,令架車行前行而非停係條路度,總算好過溜後掛?做多幾次都總算達到要求被放行,繼續練另一樣嘢。

 

操多一兩次線同做多幾次斜路開車、吊極力子之後,就入澤安考試中心度練斜路調頭同泊位。今日係星期一,澤安唔開放考試,再加埋咁早無咩車係度,可以好放心咁練習。

 

無乜大問題呀,做得算係幾順。師傅提我,係忠義街度調頭,要睇住d水碼同埋工程車,唔好掂到。

 

到接近11點,師傅話唔好太遲上去忠義街,驚住如果考番路票個時間會有太多死車同學生阻住,好易肥路試,所以佢決定要早d同我上忠義街,順手睇吓今日路況如何。

 

師傅又同我講,話「噚日你個friendBU打嚟,問我『李師傅,你係咪有個學生叫XXX 0架?佢聽日考忠義街喎,我好擔心佢呀』。」

 

「咁你點答?」

 

「哈哈咪話『盡力而為』囉!」

 

……

 

其實,我都好擔心真係「盡力而為」

 

相簿設定
標籤設定
相簿狀態