飛向天際

關於部落格
I Can Spread My Wings Out Wide, Touch the Sky
  • 16435

    累積人氣

  • 0

    今日人氣

    0

    訂閱人氣

2012-10-29 (日) 再拜師學藝

 11點幾收到師傅嘅短訊,第一句劈頭就話「梁師傅撞鐘」我第一個反應就係掩住對眼坐係位度叫「OH MY GOD…唔係咁玩我掛
 
撞鐘即係考試個時段已經俾人搶先一步佔用,唔可以借到梁師傅架車去考試
 
師傅真係好,係我未打俾梁師傅之前已經先行幫我打聽一下。其實呢,原本係打算11月中先至問師傅介紹另一個師傅幫我的,真係估唔到,呢排真係咁多人要學同考,搞到班師傅仲搶手過d巨星嘅演唱會飛,影響到我補考嘅部署。
 
收到師傅個短訊之後,即刻有d心緒不寧。奈何做緊野,唔可以即刻處理呢件事。「點算呀?」「你打俾阿BU睇吓佢幫唔幫到你先啦!」唯有聽話試一試先。
 
個心七上八落咁,終於等到放飯時間,可以慢慢打whatsapp俾阿BU求救。
 
「阿BU,救命!我13號補考忠義街乙部,有無師傅介紹?」「有!」
 
BU很快手,一個鐘之後已經打message嚟,幫我搵到一位姓莫嘅師傅。諗住放工之後先打俾呢位師傅,打個招呼同book定考牌日子同時間,點知莫師傅就係我打緊message覆阿BU嗰陣打嚟嘞。
 
「喂,係咪XXX呀?我係教車師傅」「哦莫師傅你好」跟住就交代我考試日期、時間、地點,再講吓想補大約幾多堂。
 
「咁啦,第一堂約你128號星期六,下晝係大圍上車。咁呢,你考13號,約埋你12號夜晚上忠義街練喇!」
 
一切遵照莫師傅安排。先定咗128號第一次補堂先,之後再視乎情況決定加多幾多堂。
 
同莫師傅商討完件事之後,個心先至定番d。之後當然係嗱嗱聲打個message俾師傅,通知佢跟住落嚟我會跟邊個師傅再學車喇!點講師傅係我揸車上嘅啟蒙老師,又一路教識我咁多嘢,在情在理都有必要知會佢。
 
打個message俾師傅,佢無幾耐已經覆我,話佢知道莫師傅係邊個,仲話會叫莫師傅「睇緊d」噢!即使佢無辦法幫我應考,都盡晒力去幫我。無限感激!
 
話時話,莫師傅如果已經知道我跟過師傅,都大概會係師傅口中知道我手車係點樣,同埋泊S位有乜弱點。到12月上堂嗰陣,我已經3個幾月無揸過車,有可能乜都唔記得,而家連點樣開車都好似忘記咗咁,到時揸得衰過d初哥學神,咪丟晒師傅面?哎呀有壓力,有壓力。要快d拎返學神手記同手機note補吓底,仲要去圖書館借揸車書溫番先。
 

相簿設定
標籤設定
相簿狀態