關於部落格
I Can Spread My Wings Out Wide, Touch the Sky
  • 18453

    累積人氣

  • 0

    今日人氣

    1

    追蹤人氣

2012-12-19 (三) 補鐘第二堂課

 班「好關心」我嘅同事,真係當正我係傷殘人士咁,一陣又叫我坐係度唔好亂郁,一陣又話幫我拎呢樣嗰樣,最好笑係有同事提議「你坐係張櫈度,我地推你去飯堂食飯你真係傷咗吖嘛,有咁嘅『需要』都無辦法喇」。哈哈哈~~~~~~~~~ 雖然隻腳傷咗,都未至於要咁誇張掛?如果真係咁做,我仲駛見人嘅?!
 
禮拜二晏晝,覺得隻腳越來越痛,真係頂唔住要放工之後去睇跌打。既然係咁,隻腳又點會夠力踩迫力呢?但又真係好彩唔係左腳傷,否則吊極力子真係會死;右腳踩迫力唔得,至多咪吊多d極力子去控制架車囉,當係特訓。只係嗰個跤位傷咗,連腳掌向上屈都成問題,想星期三去上堂都唔得,唯有面對現實,打俾莫師傅傾傾點搞。
 
食飽飯,打電話俾莫師傅先。
 
「喂!」
「莫師傅!」
「邊個?」
XXX!」
「咩事?」
「我整傷咗右腳,想睇吓可唔可以將聽日嗰堂調去第日上啫。」
「咁喇,我落堂再打俾你」
ok,唔該晒」
 
 
萬一真係就唔到嘅都無辦法,聽日都要夾硬去大圍上堂。大不了咪show俾莫師傅睇隻豬蹄,拜託佢如果我係斜路吊極力子有乜問題、踩迫力唔夠力就出腳救吓我囉……
 
 
到放工,6點幾搭緊廠車出去嗰時,就收到莫師傅電話。好在當時已經帶埋更表係身,可以即刻傾吓點安排。
 
「莫師傅」
「喂,係呀。你下個禮拜好番未先?」
「唔知0架,而家放工先至去睇跌打
「咁今個禮拜算嘞。」
「吓?咁我下次見你咪要去到28號?我驚無咗堂會舞唔掂你架車呀!」
「咁…22號你得唔得?」
「唔得呀,唔夠人返」
23號呢?」
「唔係咪都係大圍?」
「星期日,梗係忠義街喇!」
「忠義街!YES……睇落應該得,但我要同同事傾吓夠唔夠人先至答到你」
「你盡快喇!如果得就落簿,否則呢個時間就讓俾其他學生」
「知道傾掂就覆你」
「好啦」
 
好!下一步就要係whatsapp問一問同事。
 
原來大家都唔多開whatsapp睇,結果等咗好耐都無人覆。原本set咗個時間,講明如果係嗰個時間之前都無人覆,就假設無問題覆番莫師傅上23號堂。最後搞到我都就快返到屋企,先至有同事含糊其詞咁話唔得,簡直係浪費我時間!點解唔一早講得清楚d,係都要浪費我時間?係都要迫我寫明要快覆莫師傅?

搞咗一輪,既然唔得,我都無咁好氣再講落去。直接同莫師傅傾吓點算仲快。於是就再搵莫師傅,講俾佢知23號都唔得
 
莫師傅直接打過嚟傾。當時我坐係跌打醫館度做緊冰敷,一路係度傾上堂嘅事。最後決定咗201311再補番呢一堂。
 
所以,係13號考試之前,11號會上一堂、12號晚會上忠義街最後衝刺,139點決戰,真係1月頭3日完全「奉獻」俾棍Van,踏入2013年之後頭幾日,日日都見住莫師傅。
 
當務之急,梗係係要醫好隻腳、清埋d感冒餘孽,等自己健健康康係28號上堂。


 
相簿設定
標籤設定
相簿狀態