飛向天際

關於部落格
I Can Spread My Wings Out Wide, Touch the Sky
  • 16435

    累積人氣

  • 0

    今日人氣

    0

    訂閱人氣

2012-12-29 (六)

真係「夜」囉。診所話夜班醫生有事,代班醫生只會2100-2215係度,登記完叫我9點返嚟。
 
等到2050就拿拿聲走返落去診所等,想早d睇完早d返屋企唞。今日隻腳真係好腫,行都痛,皮膚都因為腫開咗,加埋敏感,好似俾火燒,又似俾針拮咁痛;腳趾就腫到無血到,完全麻痺。


排第二個睇。簡單交化咗病情源頭,俾佢係咁易睇吓隻腳同今朝影低嗰張豬蹄相,同埋講食咗兩日Telfast 120mg裝都唔得,問呢位代診嘅何醫生,究竟我係咪接觸性皮膚炎。呢位何醫生只係話,好多人敷完跌打藥都係咁樣發炎,跟住就無再答我,又無話要戒口同其他嘢。
 
我問「醫生,我13號要考車,會唔會趕得切消到腫?」
 
「應該無問題」
 
第一次睇醫生睇到無癮──完全唔會了解病人嘅問題起因,亦都唔理病人講嘅嘢,只係用眼尾瞄兩吓就寫病歷大佬,我都唔係要求高吖,只係想你聽吓我嘅病情,快d幫到我消退啫!即使呢個醫生唔係神槍手,都唔好係快槍手咁求其吖!
 
護士小姐叫名攞藥,佢拎錯咗另一個病人嘅藥俾我,雖然大家d藥其實一樣,但label上就唔係我個名。好在睇到個名錯咗啫!


 
290蚊,換嚟5隻藥同一小盒藥膏。5隻藥,其中一隻仲好似係對付敏感嘅成藥治敏速。見到藥包label上面,印咗有收鼻水,我好懷疑做乜俾d好似係對付鼻敏感嘅藥,多過係對付皮膚敏感嘅藥囉。所以就問護士小姐,佢話敏感藥同時有收鼻水功效云云。吓咁我真係要拎番d皮膚科嘅教科書睇吓先得。
 
註:Telfast係一隻由Sanofi Aventis藥廠出品嘅敏感藥。皮膚敏感會癢,係因為身體發出一種受致敏源之時,細胞會分泌一種物質令身體發出敏感反應。Telfast嘅成份,雖然唔會阻止細胞分泌出致敏反應物質,但就會阻止嗰種物質同細胞接收器結合,從而減低身體嘅敏感反應。
 
呢種藥係我當年係德國俾床蚤咬到成身敏感時,嗰邊嘅皮膚科醫生處方嘅藥。因為隻藥對我work,所以一直有事都會keep住買嚟食。估唔到今次呢隻藥幫唔到我,結果都係被迫俾$290睇快槍手!


以下就係12月30號我隻腳嘅豬蹄樣:




相簿設定
標籤設定
相簿狀態