飛向天際

關於部落格
I Can Spread My Wings Out Wide, Touch the Sky
  • 16435

    累積人氣

  • 0

    今日人氣

    0

    訂閱人氣

我的恩師李師傅 我的恩師莫師傅

好多人都會話駕駛學校好多師傅教得唔好,「良師難求」;係論壇度成日都會睇到d人鬧自己嘅師傅呢樣唔好嗰樣唔好,見其他學神投訴得最多嘅係呃鐘、鬧多過教、無教到重要嘅技巧同考試要點、去廁所、要學神開車載佢做私事等等。每次見到嗰d貼文,我不忍唔住偷笑,係度沾沾自喜:因為兩位恩師從來都無做過論壇上面其他學神鬧自己師傅嘅事,佢地都係一等一嘅好師傅!


李師傅同莫師傅都係後生師傅,而且超有心機教,仲好就得人。就算我揸得幾離譜,有幾緊張騰雞佢地都無大聲鬧過,最多叫係串吓你等你自己醒水d同埋不斷提水再教過。每次上堂都學到好多嘢,每一堂都真係好開心。就算到而家,無再正式跟住佢地學習,兩位都不時會因應我d缺點同弱點提示我,見到有相關新聞時,又會討論一下同提醒我,完全係想我好。




雖然我肥過乙部試,但換個角度睇,我可以由另一個角度,再一次睇到自己一d技術上嘅不足,從而作出改正。亦都因為呢個原因,我可以從兩位恩師身上吸引到唔同嘅經驗同技術,呢一點可以話係肥咗乙部試嘅意外收穫


我覺得學車係一個傳藝嘅過程,唔單止係學一種技術咁簡單,仲包括埋學習駕駛態度、安全意識、situation awareness、吸收師傅嘅經驗。學神同師傅之間要尊重,有溝通同互信、互動,學神先至可以學得好,師傅先至會有心機教。學神如果只係抱住消費者嘅心態去學車,唔尊重師傅,師傅又點會有心機教?師傅一日到晚「人車合一」咁教,佢地都係人,都會有脾氣,但只要係為咗指正、糾正問題,「有的放矢」,惡少少都可以理解同接受;相反,如果師傅眼見學神出錯,都「過份好人」唔指正,呢d先至有問題。師傅唔會一世都坐係自己旁邊,隨時提點點樣揸車,同埋有事時出手/出腳相助,所以學神更加應該趁師傅係旁邊時,認真學習同盡量問多d、學多d,千祈唔好浪費實戰嘅時間同師傅嘅心機、心血。

 
 
能夠跟隨兩位恩師學習,到而家都仲keep住良好關係,係我一個超級大bonus。好榮幸跟隨佢地,即使已經拎到P牌,就算之後甩埋P,都要繼續好好跟佢地學習。
 

李師傅

莫師傅

請恩師今後繼續多多指教!


相簿設定
標籤設定
相簿狀態